හද එළියෙන් පාර අහන්

 හද එළියෙන් පාර අහන්
 පිණි අහුරක සිසිල දෙන්න
 ඔබ එනතුරු බලා හිදිමි
 ළගට වෙලා සිනාසෙන්න.....

 මල් පොහොට්ටු සිහින විලේ
 සුරංගනා මල් පිපෙන්න
 හීන පිරුණු පුංචි හදේ
 පුංචි ඉඩක් මට තියන්න.....

 සද එළියට අත වනලා
 තරු කැකුළිය හිනා වෙන්න
 මම ආසයි හැම තිස්සෙම
 ඔය හුස්මක හැංගි ඉන්න.....

රුවිනි අමරසින්හ

විද්‍යා පීඨය
පලමු වසර

සරදමක් දෝ ප්‍රේමය……

මා එපා කිවු ඔබ
යලි ඇවිත් මා ලඟ
හඬා වැළපෙන කොට
කෙසේ ඉවතක බලමි මම...

දහක් දුක් සඟවා
හිනාවෙමි නුඹට මම
නුඹේ දුක අහගෙන
හුනිමි නොහඬාම මම...